പോപ് രാജാവ് മൈക്കൽ ജാക്സൺ (50) അദ്ദേഹത്തിന്റെ ലോസ് ആൻജലസ് വസതിയിൽ അബോധാവസ്ഥയിൽ കാണപ്പെടുകയും ശേഷം ആശുപത്രിയിൽ മരിച്ചതായി സ്ഥിരീകരീക്കുകയും ചെയ്തു. മരണകാരണം വ്യക്തമല്ലെങ്കിലും ഹൃദയസ്തംഭനമായിരുന്നിരിക്കാം എന്നുകരുതുന്നു. രക്ഷപ്പെടുത്താനുള്ള ശ്രമം വിഫലമായതുകാരണം പാരാമെഡിക്കൽ ടീം അദ്ദേഹത്തെ ലോസ് ആഞ്ചലസിലെ UCLA മെഡിക്കൽ സെന്ററിലേയ്ക്ക് മാറ്റുകയായിരുന്നു.
ലണ്ടനിൽ അടുത്തമാസം നടത്താനിരുന്ന സ്റ്റേജ് പ്രോഗ്രാമിന്റെ റിഹേഷ്സലിനായി മൈക്കൽ ജാക്സൺ ലോസ് ആഞ്ചലസിലെ ബെൽ എയർ ബംഗ്ലാവ് വാടകയ്ക്കെടുത്തിരിക്കുകയായിരുന്നു. ആരോഗ്യപ്രശ്നങ്ങളുണ്ടായിരുന്നിട്ടും ജാക്സൺ ദിവസവും ആറ്മണിക്കൂർ സംഗീതസാമ്രാജ്യത്തിലേയ്ക്കുള്ള തിരിച്ചുവരവിനായി പരിശീലനം നടത്തുന്നുണ്ടായിരുന്നു. പോപ് സംഗീതത്തിലും ഡാൻസിലും മൈക്കൽ ജാക്സൺ സൃഷ്ടിച്ച വിസ്മയം ലോകമെമ്പാടുമുള്ള അദ്ദേഹത്തിന്റെ ആരാധകർക്ക് ഇനിയൊരോർമ്മമാത്രം...ആ സംഗീതം ഒരിക്കലും മരിക്കില്ലെങ്കിലും....ആദരാഞ്ജലികളോടെ....